啊哈哈哈哈~~~~又系我阿牛医生上课既时间啦。
好高兴你加入我地呢个音乐游戏的大家庭，音乐游戏唔同于一般的游戏，唔会有血腥同暴力，有既只系动听既音乐同埋弹奏乐器既快感（众人：乜你甘多嗲架，死埋一边啦……）
咳咳，俾下面好喔……嗯，接住落来我将会教你点样玩单机版既O2JAM劲乐团。
点解只能够玩单机？好简单，因为校园网上唔到劲乐团个服务器……（除非你系AD）
首先，当然系要你部机有安装到劲乐团。好，当你下载完单机版，解完压之后，解压出来的文件夹入边所有的文件拉到游戏目录入边（例：假如你个游戏装左去“D:\9you\劲乐团”入边，就将D文件放晒入去个目录到就得了），然后你只需要双击里面既“O2MANIA.EXE”（有个小朋友同埋只狗仔的图标个个）就可以进行游戏了。
以下就介绍D好有用既快捷键：
ALT+ENTER：切换全屏同窗口模式（全屏可以俾到你最真实的游戏感觉，但你要改键位或者其它野既时候就一定要换翻窗口模式）
F1、F2：F1减慢音符的下落速度，F2加快音符的下落速度。（Just 音符）
1、2：减慢或加快首歌的速度（就好似用COOLEDIT搞音效甘，可以男声变女声，女声变男声，哈哈，不过，如果你唔熟首歌，无把握调番准既话最好就唔好乱来，因为你一但调左某一首歌的快慢就会影响到所有歌架啦）
F8：选歌菜单。（勾下面的简单、中等和困难可以选择同一首歌既唔同难度版本，可多选）
F5：选好歌后电脑自动弹俾你睇。（推荐欣赏难歌用……）
F6：选好歌后开始游戏。
F7：暂停。（个人觉得无乜用，不过弹住弹住突然间有电话来既话……）
F9：选择背景和特效。
其它野好湿碎，自己有兴趣可以系窗口模式下自己系工具栏到慢慢睇。
最后要讲一讲设键位既问题，虽然设键位个度有8个格，但系只要设好前面7个就得了，第8个系无乜用的。（从左到右啊）
推荐键位：（记住要试下七个键一齐按有无冲突，有冲突就要换键位，换到无冲突为止）
空格派系：1。SDF空格JKL（劲乐团最多人用既键位）
（3-1-3） 2。ASD空格KL；（比上面个个键位要开阔D，D手指无甘逼）
3。ZXC空格M，。（推荐手指较短既人使用）
4。QWE（WER）空格UIO（IOP）（手较大和手指较长既人使用）
5。AWD空格JIL（中指比其它手指长好多的人用）
直线派系： 1。ASDFJKL（我用紧既键位，哇哈哈）
（4-3或3-4） 2。ASD（SDF）JKL；（刚好同我既调转）
其它派系：QWERM，。（QWENM，。）（传说中既吉它键位，使用时请抱住键盘作弹吉它状……）
好啦，今日既课就上到呢到，如果有咩唔明又或者想知多D野既可以发短信到QQ：34021192又或者面对面问我，我会好乐意同你解答~~~~
落课！！！！！！！
